任天堂既 Switch 自推出以黎走勢強勁，而且一直以黎都 Keep 住有黑客想破解呢部主機（而且有唔少聲稱破解成功既影片）。如果主機系統遭到破解的話，最直接就係會出現老翻 / 非法下載版遊戲，更甚者會出現外掛，對於有競技成份既遊戲例如：《Splatoon 2》、《Mario Kart 8 Deluxe》等等遊戲就會出現唔公平既情况，而且網上已經有影片指證出現疑似使用外掛玩家。

聲稱可在 Switch 上運行 Linux

可能大家會好期待破解既出現，回望返以前 NDS 年代 R4 既出現的確係令到身邊每個朋友都有 NDS，但係當中對遊戲業既破壞亦都非常之強。好既遊戲值得支持呢啲道理大家都識，加上而家一眾廠商好肯去將作品中文化，我地亦都好應該支持正版遊戲。

本身家用機其中一個好處就係無外掛（望下 PC版《PUBG》，好多時都係神魔大戰），大家可以係公平情況下對決。但係當主機系統遭破解，就會出現外掛影響遊戲公平性。最近就有網友係 Twitter 度貼咗一條《Splatoon 2》既影片，內容係一名疑似外掛玩家，手握一把低射速高威力武器，但係被調整為超高射速，結果當然係任何玩家都比佢秒殺。

Please ban this person in #Splatoon2 pic.twitter.com/6hw0YgnvEv

— JD (Squidiot) (@Water_011209) 2018年5月25日

面對呢種情況，老任都開始做野。最近就有位用戶 Shiny Quagsire 係 Twitter 度貼咗自己部 Switch 出現一條訊息，指佢既線上功能已經受到限制，係限制下 eShop、連線遊玩功能、社交功能均不能使用。Shiny Quagsire 就話係呢部 Switch 上面無做過手腳，亦即係任天堂係成個 Account Ban。即係話如果佢判斷你係違規用戶的話，所有係該用戶下既機都會被 Ban，暫時仲未知有無上訴機制。

pic.twitter.com/gzCkHOtUk3

— Shiny Quagsire (@ShinyQuagsire) 2018年5月19日

今年九月之前 Switch 上網對戰仲處於免費階段，之後就網上服務正式進行收費，如果呢種疑似外掛情況日益嚴重的話，真係搵鬼比錢。面對呢種情況，我地絕對支持嚴懲外掛玩家，玩遊戲梗係大家公平咁玩先開心，想變強既自己練習多啲先會得到別人既尊重。