有留意開《街霸》週邊嘅朋友，應該對香港品牌「BigBoyToys」唔會陌生，呢間公司一向主力向國際推出唔少《街霸》Figure 及精品；而佢地最新嘅產品，就係呢隻連接電腦就會著燈「YOU LOSE」嘅USB 手指。
《街霸 2》有唔少經典畫面，呢隻 USB 就係將角色「打輸倒地」嘅一刻實體化，USB 本身其實係個平台仔，用家可以按喜好將上面換上唔同角色。
呢隻名為「Street Fighter “You Lose” 」嘅 USB 容量為 32gb，目前開放預訂，售價為每隻角色 USD 38.00，換返做港紙即係 HKD 300 左右。有興趣入手嘅朋友，可以參考以下網址。
中二病廢中，打機會自己講野自己笑，鍾意睇機械人動畫，貓世一。