唔少朋友期待已久的《王國之心 Kingdom Hearts 3》繼年頭公佈過少量片段之後就無咩大消息，加上 Square Enix 延遲出 Game 都唔係咩新聞（望向隔壁棚的《FF7 Remake》），所以今日見到佢嘅新遊玩片段，都令我有返信心！

《Kingdom Hearts 3》呢兩日喺美國進行緊「KH3 Premiere」嘅活動，邀請咗唔少外媒出席，而令各界驚喜嘅係：活動上唔單止展示大量新遊戲截圖，現場亦設有試玩攤位，比來賓試玩主角攻打遊戲首位頭目「Rock Titan」嘅過程！

活動上面，官方仲暗示近期即將公佈遊戲今年嘅正式發售日，即係話遊戲睇黎真係有得玩！知道幾時正式發售嘅再同大家跟進，以下為最新試玩影片：