Activision 新作《Call of Duty: Black Ops 4》係早前公開咗大量資訊，今集遊戲將會集中係多人模式上面，即係話唔會有單人劇情模式。雖然係咁，但係每位角色都會加入大量既動畫黎交代返相關既故事背景。《Call of Duty: Black Ops 4》將會有一般既 5 vs 5 多人連線模式、大受歡迎既喪屍模式以及新加入既大逃殺模式「Blackout」。

除咗改變可玩模式外，係影片內見到遊戲有唔少轉變，例如今集將會廢除跑牆、衝刺之類動作，回歸返地面戰。另外今集將會顯示玩家血量，並且唔會自動回復，需要食治療藥或者有回復能力角色幫助先會回血。

而大受歡迎既喪屍模式就會分為三個主題：係鬥技場用冷兵器同喪屍對決既「IX」、鐵達尼號上戰鬥既「Voyage of Despair」以及似乎係重製《Call of Duty: Black Ops 2》「Mob of the Dead」既「Blood of the Dead」。

當然大家最關心既係大逃殺模式「Black Out」，開發商 Treyarch 話呢個地圖將會係《Call of Duty》有史以來最大地圖；新地圖將會包含好多之前既知名地圖、地點等等，即管睇下有無得同《PUBG》、《Fortntie》鬥啦！

《Call of Duty: Black Ops 4》預計於 10 月 12 日上市，對應平台為在 PS4、Xbox One 以及 PC，不過注意一點 PC 版將由 battle.net 獨佔。