自從公佈咗遊戲畫面以黎，各界玩家都對《莎木 3》抱住一種奇妙嘅感覺：係呀，佢當年係經典，但係黎到 PS4 平台之後，畫質變得好奇怪，動作又遲鈍，從內到外都散播住一陣 PS3 年代遊戲質素嘅味道……老實講吖，我地編輯部都唔係咁睇好。

可能真係聽到各界意見，又可能係終於面對現實，更可能係……一代經典，無理由就咁毀咗，所以，官方剛剛終於宣佈，《莎木 3》將由原本 2018 年下半，延期至 2019 年先推出，年頭年尾就唔知啦，但係希望可以將遊戲整到靚靚仔仔先出街咁話。

唔緊要嘅，黎緊《莎木 1＆2》HD Remaster 都會推出，大家或者可以趁機會玩返前作先吖！

相關文章：
【莎木 3 最新遊戲畫面】
【莎木 1＆2 重製消息】