OK……就咁睇張圖好似傻更更咁，但係打機唔駛下下都要 Hardcore 嘅，同朋友或者另一半一齊輕鬆玩下啲得意 Game 都係唔錯選擇黎架！今次介紹呢隻《Waku Waku 動物園（わくわくどうぶつランド）》將會於今年 7 月 26 日推出，到時夏日炎炎，與其出街同人逼，不如搵地方涼住冷氣打下機啦～

呢個 Game 應該就無中文版架啦，但係唔緊要喎，因為只係純對戰遊戲，無劇情要睇，而每個 Mini Game 玩之前都會有圖文指示教你點玩……都係離不開撳制呀、Fing 下 Jon-Con 咁樣，所以試一兩次就會上手了。

遊戲入面共有 30 種唔同嘅比試，玩家嘅身份就係兩位動物園長，而遊戲入面出現嘅角色，官方就話係「大家喜愛嘅動物s」咁樣樣！咁我信呀，有貓有企鵝，圓碌碌咁，同啲女仔朋友或者唔係好打開機嘅人輕鬆玩吓，大家應該都會開心的（笑）

當然啦，想秘密練關都可以的，我身邊的確就有朋友玩《Overcooked》玩單機希望練到自己變 Chef Lemon（誤）；遊戲一共有幾個模式可以選擇，分別為 Tour Mode、One Match Mode、Single Mode。

單機挑戰都得

遊戲預計售價為 4,444円（税別），今個夏天又多個輕鬆 Game 選擇啦～