我非常鍾意玩經營類嘅遊戲，不過「經營 Game」嘅題材，離不開市面上各行各業嘅生意，例如《夢幻西餐廳》做餐飲店，成件事都好合理吖！但係今次介紹呢隻《Graveyard Keeper》經營嘅，都真係一門幾非一般嘅生意，因為玩家嘅身份係「守墓者」，而你嘅責任，就係搞旺個場搞好個墓地佢！

呢隻由「tinyBuildGAMES」開發嘅《Graveyard Keeper》玩味極重，帶住濃厚黑色幽默色彩，故事講玩家（主角）無啦啦成為咗「守墓者」，然後每日工作，就係要接收屍體進行處理同埋安葬；但係既然話要搞好呢壇生意，玩家就必須要得到資金同素材去擴展個墓場，而錢，點樣得返黎？

你要記住呀，而家係搞墓場，唔係搞大酒店，安葬屍體無錢賺的，亦唔能夠靠破地獄賺錢；賺錢嘅方法，就係黑市買賣！將屍體可以賣嘅部位同器官拎去賣！ 好變態！事先講明先，個 Game 嘅設定黎架，唔好話我痴線呀！

隨便將屍體掟落河又係咩玩法…

日常遊戲流程同《牧場物語》好似，基本上每日都係自由時間，視乎玩家點樣分配時間進行經營。上面講咗「買賣」係資金來源，而要 Upgrade 墓地嘅主要素材例如係「木」咁樣，就要自己種樹或者到處拾取了～

遊戲中另一個主要元素係「教堂」，遊戲入面，教堂同埋墓場其實都係由你去打理的，如果你向其他人傳道傳得好，佢地對教堂信仰心就會增加，你可以做生意嘅機會就更多，例如係操縱 NPC 燒死魔女等等……真係越講越有病，病得黎我又好想玩 LOL

偶爾會有危險事件 LOL

教堂（裡）運作 /w\

仲會有機會比死神追！LOL

《Graveyard Keeper》預計 2018 年中上市，平台為 Steam 及 XBox One，對應語言為英文及日文，如果唔介意嘅仲有簡體中文揀；我就一定會玩啦，唔知各位朋友睇完又有無興趣呢？

【Steam 傳送門】

【任天堂網址】