日本每年夏天都有好多恐怖遊戲推出，今年都唔例外！由「日本一」開發嘅恐怖遊戲《CLOSED NIGHTMARE》集合解謎與探險元素於一身，早幾日一公開條宣傳片，馬上喺 Twitter 造成轟動：因為呢個遊戲同平時我地認知嘅恐怖 Game 有少少唔同，遊戲中全部角色、畫面，都係真人實地拍攝的，「貌求比玩家一種睇緊驚慄片嘅感覺」咁話喎！筆者好細膽，我唔呈英雄，我睇完條 Trailer 都心裡毛毛 der，你地又點睇？

玩家飾演嘅女子，喺密室醒來之時發現自己失去記憶，然後收到一通電話，一位名為「千鶴」（仲要係小朋友聲…）嘅人話「而家你係我嘅實驗品，如果你完成到個實驗，我就放你走啦」咁樣……

淨係睇遊戲目前釋出嘅截圖，我都有種預感：我一定玩唔黎！又要手無搏雞之力咁樣摸黑行、又有變態面具男神出鬼沒咁樣追住我、仲要無啦啦走去剪人地手指……痴線！諗起都驚！

自問膽大嘅朋友，呀唔係，係勇者，你地有興趣嘅，記得留意遊戲正式發售日啦！注意：遊戲係會推出繁體中文版的！