死搵爛搵，幾經辛苦，托嚟托去，終於有朋友喺外地幫在下搵到呢盒 3 月 31 號開賣嘅 LEGO Ideas 21314 Tron: Legacy。假設你連 Tron: Legacy 都唔知係咩嘅話，絕對可以介紹返你睇呢套2010年電影《創：戰記 ( Tron: Legacy )》。

不過以呢 Set 只係得 230 件組件以及 3 個 Minifigures 嘅作品，除左電影主題之外，仲有咩吸引點？依家即刻同大家睇睇。

成盒就係得兩包組件加一本說明書

說明書除左有介紹設計團BrickBros UK  、監修嘅 LEGO Designers，仲有電影簡介同角色介紹

全 Set 嘅印刷件就只係呢 8 個轆

透明組件亦唔算好多，所以如果以組件去論CP值的話，呢 Set 就真係非常唔合格。(咁當然我唔係咁睇)

第一包組件主要就只係呢個地台同 3 個 Minifigures

左起女主角 Quorra、男主角 Sam Flynn、Rinzler

除左頭盔之後嘅 Rinzler 就係未洗腦前嘅 Tron(可惜冇頭髮)

電影中每個角色都有一隻 Identity Disc，除左記錄低每個人嘅個人資料同行動記錄，亦係一件隨身武器

Rinzler 喺電影中唯一一個有雙碟嘅角色

兩隻碟放左上背，變到似個大背包

將 Minifigure 直接放落地台就變左 Disc Battle

第二包就係兩架 Light Cycle，除左顏色之外，完全冇分別

用件配搭上係有好多有趣嘅地方，而且亦唔係平常使用嘅組件

總結

以抵唔抵玩去評的話，21314 Tron: Legacy 的確唔係非常唔抵玩嘅 Set，組件及印刷件唔多，並且電影主題局限左呢 Set 嘅吸引力。但係用件同配搭上係留左好多空間比玩家自己改到，加上原作者BrickBros UK 已經教埋大家點樣去砌多個款出嚟，而且唔少嘅玩家都開始用呢 Set 加其他組件去製作新作品。

21314 Tron: Legacy 算係比電影 Fans 收藏，同埋比一班鍾意改 MOC 嘅玩家做基礎，一般玩家可能會嫌佢比較單調同玩味低，所以入手前就自己考慮下啦！