擁有龐大世界觀既《星球大戰》出過唔少遊戲，不過十居期九都係線性地跟故事行，又或者好似《STAR WAR Battlefront》咁主打多人對戰。如果本身係星戰迷既，梗係希望自己可以身處係整個宇宙當中，想去邊就去邊啦！而家機會黎啦，因為 EA 唔小心係一則招聘廣告入面，透露黎緊既星戰遊戲終於會係開放世界！

今次既起源係 EA 溫哥華工作室出咗一則招聘廣告，內容係招聘首席網絡工程師，不過重點係圖中果句：

無錯，係廣告入面清楚咁列明，工作內容係針對一隻《星球大戰》開放世界遊戲做線上工作。其後佢地都知道瀨野，所以亦都更改咗招聘廣告既內容：

無左 Open World 字眼

由於之前 EA 關閉旗下既 Visceral Games 工作室，佢地之前負責開發既新《星球大戰》項目，就交咗比 EA 溫哥華工作室接手，有理由相信呢隻開放世界星戰係以呢個項目為藍本開發。

根據之前 EA 既講法，呢隻遊戲係會充分運用 Frostbite Engine 既能力，遊戲本身亦都會非常多元化以及有深度。希望 EA 有汲取之前《星球大戰：戰場前線》二集比人媽到飛起既經驗，出返隻令 Fans 滿意既作品啦！（順便搞搞個 Server）

部份之前 Visceral Games 星戰公布圖片