好多年輕既父母生仔之前都會擔心自己湊唔湊得掂個 B，而家可以早啲比準爸媽實習一下啦！最近 Steam 上面出現咗一款由 Steppe Hare Studio 開發既《母親模擬器》（Mother Simulator），顧名思義即係叫你扮演一下做母親湊 B 既樂趣（！？），甚至可以比大家準學埋做人父母有咩要做添！
遊戲有三個教學難度，包含晒成為父母之後既種種難題。例如點樣比奶咀、換尿片、餵奶等等，而且每關都會有時限，必需係時間完之前搞掂。當所有野都妥當完成之後你就會見到個 B 對住你笑啦，作為父母個 B 滿足笑梗係最大既禮物啦！
奶咀記得洗完先好比個 B 啜！
沖涼都有學問架！
上面既就係正統玩法，當然仲有暗黑玩法，例如你可以周圍掉條尿片、整污糟個奶咀然後塞比個 B、用個 B黎玩投籃、掉佢落廁所咁……相信充滿愛心既各位一定唔會咁對 D BB 既！
窗外有籃球架比你掉尿片，當然你可以拎個 B 黎玩都得既！
遊戲已經推出，並且以超平價格HKD $9.6 係 Steam 賣緊，有興趣想學做父母又或者想試自己 EQ 既唔好錯過啦！
動漫電玩宅，極愛金田一系列，擅長動作及策略遊戲