由 Next Studio 開發嘅遊戲《Death Coming 死神來了》2017 年登錄咗 Steam 平台，但係其實遊戲喺手機上面一樣玩得到！呢隻售價為 HKD15（日元 240）嘅小遊戲唔止考你腦力，內容黑得黎又有少少無厘頭，加上粒粒人嘅畫風真係 Kuso 味滿爆，非常推介大家一玩！

遊戲故事係講玩家不幸死咗，但係比死神睇中咗成為佢嘅助手，要喺唔同嘅場景入面，善用地方嘅設施去製做意外整死啲 NPC，死得越多就越高分 LOL

而每一章節故事入面嘅主題都唔同，每關有三個 Bonus 人物，整死佢地就會得到額外分數；而呢啲 Bonus 人物喺章節入面都有戲份架！

呢個遊戲唔係發洩 Play，因為意外唔單止要考你反應，亦會受地圖上嘅氣候影響，所以要一口氣通關都絕對唔係易事，都幾花腦力的～

遊戲同時對應多國語言，我地常用嘅中英日文都有，玩家可以自己選擇喜好嘅語言！遊戲入面並無課金元素，貨真價實有排玩！

注意遊戲沉迷度極高，坐車時玩要睇住，唔好玩到坐車坐過龍吖（笑）

【Steam 版傳送門】
【iOS 版傳送門】
Android 版即將上架。