香港人氣不算太強但係 Twitch 收看人數已經超越咗《PUBG》既大逃殺遊戲《Fortnite: Battle Royale》（要塞英雄：大逃殺），早前就宣布會分別係 iOS、Android 上推出，而手機版係可以分別同PC、Xbox One 及 PS4 版本跨平台連線對戰的，不過 Xbox One 同 PS4 版就並不互通。但係 Xbox One Boss 以及開發商 Epic Games 都開到聲話希望可以同 PS4 進行跨平台連線，睇黎呢個歷史性時刻好快就可以黎臨！

事源係早前係 Twitter 上面有玩家詢問 Xbox Boss Phil Spencer「XB1 同 PS4 既玩家可以跨平台對戰嗎？」，然後 Phil 就回覆「Me 2」，緊隨其後 Epic Games 官方帳戶亦都回覆「We 3！」，睇黎只要 PlayStation 首肯就可以促成呢單美事！

其實之前《 Fortnite 》已經試過跨平台對戰，當時外國一位PS4 玩家玩新既「大逃殺模式」，過程中佢殺咗一位玩家個 PSN ID 中間係有個空格，而呢種格式係 PSN 係並不存在的！而呢位玩家透過 Xbox Live 搵到該名玩家並且聯絡對方，確認佢地二位真係進行咗場跨平台對戰！事後有外媒 Email 問過 Epic Game 得到既回覆係「已經修正了此問題。」，即係變相承認官方知道並且現階段技術已經可以進行跨平台對戰！

玩家 PyroBlack76 分享一張佢同佢個仔用 Xbox One 同 PS4 連線畫面既照片

有別於《PUBG》，同樣為大逃殺遊戲，但係《 Fortnite 》擁有建築元素，玩家可以製作的藏身處同掩護物，變化及戰略性都比《PUBG》優勝。而且遊戲地圖比《 PUBG 》細，道具同埋槍既數量亦都比較少，基本上先搶先贏，所以遊戲節奏亦都快好多，平均 15-20分鐘一場，觀賞度亦都大增。

有得起野架

其實係外國《Minecraft》、《Rocket League》呢啲咁受歡迎既遊戲好早之前已經有玩家反映想進行跨平台連線，但係 PlayStation 係呢方面既態度相對地好嚴格，不過今次Xbox Boss 同埋開發商都開埋聲，就睇 PlayStation 點回應啦！