《太鼓之達人》我諗都唔洗點介紹啦，作為知名既音樂遊戲，早前先係 PS4 出完，估唔到 Nintendo Switch 都會咁快有得玩！係琴日既「Nintendo Direct」入面就公布咗《太鼓之達人 Nintendo Switch版本～！》，雖然就未有消息話會出返個實體太鼓比你打，變為用 Joy-Con 黎打空氣，就咁睇雖然質感欠奉，不過經濟實惠！

《太鼓之達人 Nintendo Switch版本～！》用 Joy-Con 黎代替原有既鼓棍，流動性就一流啦，不過係咁打空氣似乎都幾傷身。遊戲對應 Tablet Mode 同 TV Mode，二者都可以進行二人對戰。同時遊戲收錄 Party Game 多人遊玩模式，係片段見到可以支換 4人遊玩小遊戲。

另外 Switch 版仲新增《Super Mario Odyssey》、《Splatoon 2》等任記自家出品遊戲主題歌曲。遊戲預定 2018 年夏季發售，未知會否對應 Amiibo。