《羅德斯島戰記》作者水野良老師近年另一套小說作品《皇帝聖印戰記》（グランクレスト戦記）絕對係來勢洶洶，今年 1 月播完動畫之後就出手機 Game，出完手機 Game 而家仲會出埋 PS4 遊戲，化身包含大量戰略動作元素嘅 RPG 遊戲，2018 年 6 月 14 日就會推出上市啦！

本身係作品 Fans 嘅朋友固然會對遊戲有興趣，但如果你純粹係鍾意戰略遊戲而玩呢隻《皇帝聖印戰記》嘅，都會跟得上個故事～

動態交代劇情

角色模組做得算係幾似

唔通仲會有動畫劇情？

遊戲系統方面都幾多嘢要兼顧，一方面要進行大陸侵略嘅戰略決定，但同時可以切換近戰模式操控角色去進行戰鬥。

大陸勢力圖

如果係動畫作品 Fans 嘅朋友或者會好開心，因為遊戲中依然起用動畫原個聲優班底（全語音啊啊啊！）

如果本身係水野良老師嘅書迷，就更加要留意埋遊戲嘅預購日期！
因為預早購入嘅朋友，係會得到《羅德斯島戰記》角色 DLC 的啊～

最後為大家送上遊戲首個宣傳片：