由「魂斗羅 4」開發小組 WayForward所製作既橫向動作遊戲《Shantae: Half-Genie Hero》雖然已經先後出過 PS4 / XB1 / Window / Switch 等平台，不過原來唔少 Switch 玩家係唔知道出過隻咁高質既遊戲(鬼叫之前 Mario 等等作品咁強勢)，如果之前 Miss 咗既朋友不如等多陣就會有完全版上市！

《Shantae: Half-Genie Hero》已經係系列第四集作品，遊戲關卡處處流露濃厚中東異國風味，玩家雖然操作半精靈桑塔揮舞頭髮及魔法擊敗敵人。除咗基本既攻擊之外，遊戲最大特色就係過程中桑塔會學識各種魔法舞蹈去變成唔同既動物型態，每種型態都有自己既專屬能力，例如猴子型態可以爬牆、螃蟹型態可以係水中活動、老鼠型態可以爬進細小通道等等，都幾似洛克人轉武器系統。當然作為橫向動作遊戲，Boss 戰都係重點所在，遊戲入面每隻 Boss 都非常有特色，但係又唔會話真係好難打，絕對係老少咸宜既動作遊戲。

人魚王Boss 好正！

《Shantae: Half-Genie Hero》完全版會包含本編以及後續既 5個 DLC，遊戲會於 2018年5月31日正式發售，對應平台 Playstation 4 / Nintendo Switch。