以村上隆徒弟而為人熟識嘅松本弘二郎，將首次喺日本以外地區舉辦展覽。今次以『Lost in Translation』命名嘅展覽 係啟發自導演 Sofia Coppola 嘅同名電影作品，關於兩名滯留喺東京嘅美國人，最後發展出一段特別嘅友誼關係。

松本弘二郎嘅英語亦唔係好好，因此展覽名稱亦表達左佢喺香港同日本等地以外嘅情況。正如他嘅解釋：「每當我到其他國家旅行時，在不能說 日語的情況下，我都會很難表達自己和與人溝通，因此我意識到當我的繪畫為我講話時，我感到非常舒適，因為藝術一直是我生活中溝通的最佳方式。」

松本弘二郎嘅畫作經常以年輕女孩同貓為主題，但當中所有角色都有一份孤獨感。當佢今次喺香港搵靈感嘅時候，他意識到街上有好多流浪貓，所以佢將呢種孤獨感融入佢嘅貓主題中，用漫畫式去平衡呢份空虛，比流浪貓一個虛擬嘅家，令佢地可以喺畫作中過著幸福嘅生活。

「Lost in Translation」
日期：3 月 3 日至 3 月 24 日
時間：12:00 – 20:00（星期日休息）
地址：觀塘鴻圖道 45 號宏光工業大廈 10 樓 G 室 Good Vibes Only Gallery
IG: @goodvibesonly__store
IG: @kojiro_m