又來到《爐石戰記》Best of Hong Kong嘅冠軍選手推薦牌組介紹啦！唔經唔覺已經嚟到第三個星期，今日為大家帶嚟嘅係冠軍選手Lawrence第二副嘅牌組－動物園術！

卡組介紹

牧師同德魯伊相繼成為左今個版本入面最受歡迎嘅英雄，但只要術士嘅英雄技能只要一日唔改，動物園呢一種思路就唔會徹底消失。動物園術，是由歐服大神Reynad自創嘅一套超廉價卡組，卡組概念以鋪場為核心，積極鋪場，強化手下能力同對方交換手下，以人海戰術取勝。而Lawrence呢套動物園牌組就融入左棄牌、親王、DK嘅概念，我哋一齊睇下丫。

動物園術士目前已有多種變種，但核心思想仍未改變。而呢一套牌組來講，加入左新版本嘅強大卡牌令到牌組嘅強度更上一層樓。成套牌組一共有22張3費以下手下，大量嘅低費手下保證左唔會出現卡牌嘅情況，亦都能夠保證每回合都能用盡法力水晶鋪場。當己方場上有幾位手下嘅時候，就可以透過有強化效嘅手下加強攻勢或者同對方交換手下，即使如果對方使用AOE技能清場，動物園的低費消耗卡牌以及英雄的技能也很容易再次鋪場。呢套牌嘅其中一個特別地方係選擇放棄左恐狼首領、飛刀手等原動物園牌組入面嘅主力手下，換左凱雷希斯親王入去。凱雷希斯親王強大buff令呢套有15張1費手下嘅牌組力量大增！前期動物園的低消耗同術士英雄能力嘅配合下可以穩穩壓制對手，達到滾雪球嘅效果。中期末日守衛同卑劣的驚懼領主有足夠的能力確制或同對手進行交換，最後『奪血者』古爾丹補足傷害或進行翻盤。

單卡介紹

卑劣的驚懼領主

卑劣的驚懼領主可以話係提升術士新版本強度嘅一張好卡，佢本身5/4/5嘅身材亦十分唔錯，出場回合有效，如果無比人清理嘅話會持續每回合發動效果，適合用嚟補刀清理對方手下。

『奪血者』古爾丹

其實對於一套快攻牌組嚟講，『奪血者』古爾丹呢張卡其實係算做一個保險手段，小編曾用呢副牌打天梯做測試，其實好多時候未出到佢已經完左game。但呢一個保險手段又唔可以唔落，因為遇到1d有大量清場或有厚血嘲諷手下嘅牌組時，『奪血者』古爾丹就可以用佢嘅復活效做一波翻盤，而且如果可以復到兩隻卑劣的驚懼領主嘅話，重可以當免費出一下「奉獻」架！

小編小建議

其實呢副牌組同其他速攻系牌組一樣，都係怕AOE清場嘅，一般食左一、兩次清場後，到後期會對我們相當不利。所以我哋用呢類牌組嘅時候需要多花心思呃對方嘅解牌或者AOE出來。另外提防關鍵費用的解牌都好重要，例如聖騎的4費、戰、法嘅5費、牧師嘅6費等都係有機會被清場嘅關鍵回合。善用手牌合理地鋪場迫對方交AOE出來，咁樣嘅話就可以輕輕鬆鬆收頭贏Game啦！另外就係入面有部分嘅卡其實都可以根據個人喜好而替換架，就好似可以唔要骸骨戰馬換入巫妖王、黑鐵矮人換炸雞等等。唔知你哋會唔會諗到d咩得意combo呢？