Marvel Studio 由 2008年推出 《Iron Man》至今多齣作品創造變化萬千的 Marvel 電影世界，今年適逢十周年，重頭戲當然係《Avengers: Infinity War》《復仇者聯盟3：無限之戰》，上至神話國度，下至貼地 neighborhood，眾多來自不同世界英雄合力對抗最強奸角 Thanos，Marvel Fans 絕對期待至極，先前美國年度盛事 Super Bowl 上釋出最新30秒片段吊下大家癮，今次就同大家分析下主腦級英雄 Captain America  係今集電影的武器裝備。

Captain America 個盾設計係抄返黎!?
還記得係《Captain America: The First Avenger》中，Captain America 最初用的盾係三角形，之後 Tony Stark 老豆 Howard Stark 先整個㘣盾比佢。

其實漫畫中 Captain America 都係由三角盾轉用圓盾，原因其實同劇情無關，事緣要追溯到 Marvel Comic 前身 Timely Comic 時代，當時另一家漫畫公司 MLJ 旗下有個人物叫 Shield ，心口造型正正就係遲幾年先面世的 Captain America 所用的三角盾，無論顏色形狀都九成相似，最後發展到 MLJ 發信投訴 Timely Comic 抄襲，最後三角盾就改成我地熟悉的圓盾設計。

漫畫中 Captain America 最初使用的三角盾

漫畫公司 MLJ 旗下英雄人物Shield

原本個盾去咗邊
係《Captain America: Civil War》Captain America 與 Iron Man 大戰後，兩敗俱傷，Tony Stark 更加收回 Captain America 的盾 (因為個盾係 Tony Stark 老豆 Howard Stark 整比佢的)，最後 Captain America 就放低盾及帶埋 Winter Solider 離開，之後 Black Panther 出手協助，Winter Solider 自願再急凍，而 Black Panther 亦容許 Captain America 匿埋係 Wakanda。

新變型合體盾
先前預告中已經見到 Captain America 已經用新盾作戰，而Black Panther 亦講到「Get this man a shield」呢句話明確知道新盾係由 Black Panther 製造比佢，材料應該係汎合金 Vibranium，因為 Black Panther 居住地 Wakanda 擁有大量  Vibranium ( 詳情當然要睇遲下上映《Black Panther》)，新裝備以護盾形式放置雙手，而且可以變形做武器。

呢個設計應該係參考 2016年推出的《Steve Roger Captain America》漫畫中出現的三角形盾，呢個盾可以分體放置在兩手當武器使用，而且可以發射盾尖作遠距離攻擊，呢個設定同電影相近，認真期待 Captain America 係今次電影用新武器戰鬥表現。

可以發射盾尖作遠距離攻擊

手機遊戲作品 《Marvel Future Fight》亦出現過Captain America 用新盾的戰鬥畫面

下次就同大家分析另一個主腦級英雄 Iron Man新裝甲~