遊戲以手繪風格呈現，配合故事中嘅中世紀風格，帶有濃厚的質樸味道。
呢隻由 YummyYummyTummy 開發、Arc System Works 代理嘅《FALLEN LEGION》首度公佈消息其實已經係 2016年「PlayStation Experience」嘅事，遊戲一開始係海外向的，直至今年先至回流返黎亞洲喺日本市場推出。
遊戲分為公主救國篇《救国の皇女》以及以叛軍視點進行遊戲嘅《反逆の炎》，兩邊故事都玩哂嘅就可以睇到故事真正嘅全貌。面對即將崩壞淪陷嘅帝國，公主 Cecil，以及叛軍 Legate 各自以「守護自己的正義」而開始戰鬥。
公主篇
Legate 篇
兩邊路線可使用的角色都唔同，武器亦有分別
遊戲玩法與一般 RPG 有少少唔同，佢簡化咗我地常見嘅回合制攻擊，而增加咗 QTE 同埋根據指令按鍵嘅要素：按下與角色相應嘅指令，角色就會行動，但指令出現嘅時間有限制；如何在短時間內施展最多攻擊，係遊戲戰鬥中嘅挑戰。
遊戲另一個有趣嘅要素係：抉擇。戰鬥或者劇情入面，會出現唔同情景需要玩家做決定：到底係開火打人，定係同對方結為同盟？唔同嘅選擇亦會影響遊戲嘅發展同埋難度。
遊戲地圖以小品製作黎講算大！
《FALLEN LEGION》預計 2018年 1月 31日 登錄日服 PS Store，兩個劇本各售￥1,800；2月14日前入手遊戲的話可以用優惠價 ￥2,500 買哂兩個劇本。
公主篇 Trailer：
Legate 篇 Trailer：
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。