講明，我從來都唔覺得 Nerf Gun 好玩，亦覺得 Nerf Gun 係細路仔玩嘅，要玩就玩氣槍。雖知 Nerf Gun 成日都有啲吸引嘅特別版，但從來都推唔到我落去呢個坑！

但今次，我(又)衰左……

其實之前喺台灣開賣嘅時候即刻就叫台灣朋友幫手去撲一套返嚟，當時官方公佈賣 $2699 台幣(約港幣 $675)，可惜結果當然係買唔到啦！上埋 ebay 睇起碼講緊接近千！！

但今日竟然比我見得到佢存在！邊度有？一陣話你知！

咁當然要即刻開箱比大家睇睇啦！

封面

封底

睇完成個包裝設計同 Deadpool 啲串咀手寫字，淨係包裝都真係夠晒有Feel！點知開埋個盒我直頭感動到喊出嚟！

佢多謝我啊！❤

墨西哥卷餅型說明書

兩支槍都印左 Deadpool Logo

成支野最多得5發，仲要每射一槍都要拉一次雞，觀賞性大過可玩性！不過就算係落場同人打，都唔會捨得拎佢去打 Nerf Game 掛？！

最後其實係香港斗城靜靜賣緊，仲要講緊係賣緊 $599！如果有愛嘅最返對玩下都過癮啊！

如果你驚去到冇得賣？上斗城網店買定囉！