係琴晚 BANDAI NAMCO Entertainment 舉辦既「高達遊戲新春祭典 2018」直播入面就宣布會係 2018年推出可以自組機體黎戰鬥既高達動作遊戲《Gundam Breaker》新作，遊戲唔再係沿用系列名而家改為《New Gundam Breaker》，並且唔再有 PSV 版。

《Gundam Breaker》之前已經出過三代，遊戲入面會同唔同比例既機體戰鬥，即係 HG 1:144、MG 1:100同埋 PG 1:60，打倒相應既敵人就會得到部件然後就可以裝落自己部愛機度啦。不過前幾代都係無 PG 件比你用的，希望今集會有啦。

今集將會採用 Unreal Engine 4 製作，只會有 PS4 版本所以流暢度阿，畫面之類都唔洗點擔心架啦。暫時得到既情報係今集可以直接係對戰關卡度更換啱啱打返黎既零件，唔洗再係格納庫度慢慢 Load啦，另外亦有消息流傳今集會加入對戰系統……如果屬實的話平衡度點搞……？

點都好，日本時間 1 月 28 日下午 5:00 鐘將會釋出更多既資訊，大家一齊 mon 住啦！