大家記唔記得細細個有隻叫《Theme Hospital》（杏林也瘋狂）既模擬經營遊戲，大家主要係扮演醫院老闆去經營一間醫院，啲病人入黎會嘔到一地都係咁你就要請清潔工去打掃咁，呢隻當年風靡萬千機迷既遊戲終於有新作推出啦！
新作會改名做《Two Point Hospital》，因為當年製作班底其中部份成員組成咗新公司「Two Point Studios」，所以順理成章就用公司名黎命名啦。
遊戲要求玩家建立同埋經營一間醫院，需要應付病人既投訴、睇病、傳染病等等情況。每關都會有一間空既醫院需要玩家去設計，並且要達到指定既聲望、財政、治癒人數、治癒人數百分比等等要求先可以入下一關，去到後期除咗要用機器研發新醫療方法，仲會有好多有騎呢病症既病人黎求趁，例如會有啲大頭症既人黎求診，只要你有支針就可以督爆佢個頭醫返佢啦。
舊作大頭病
《Two Point Hospital》預定於 2018年秋季發行，暫時只有 PC Steam 版本，由世嘉發行。
動漫電玩宅，極愛金田一系列，擅長動作及策略遊戲