啱啱 Nintendo Direct 就公布咗呢隻集合 SNK 歷代人氣女角既新格鬥遊戲《SNK Heroines Tag Team Frenzy》，遊戲公布既影片睇到雖然係全女班，但係啲動作同判定都似係用《KOF XIV》做 Base，衰極有個譜！

暫時公開既角色有麻宮雅典娜、KULA、不知火舞、Yuri 同莉安娜。當然用得女角掛帥外觀就絕對係最重要既元素啦，本身套衫同原本已經有分別，而係遊戲入面仲可以再額外變裝！

有豐富既換裝元素

除咗外觀元素之外，遊戲系統都有少少改變，傳統既三打三就變做二打二，另外打晒對面行血之後仲要出「Dream Finish」先會殺到對手，好似超人打怪獸最後要出死光咁。

同時必殺技都會改變，例如雅典娜有得變對面做雪人，Yuri 既超必變咗做「霸王翔吼拳：極限燒肉」咁，都幾過癮！當然影片展示所見既流暢度同畫面表現係叫唔錯，到幾值得期待。

《SNK Heroines Tag Team Frenzy》會於 2018年夏季推出，初步數黑影應該有 14個角色，對應 Nintendo Switch / PS4。