機械人對戰嘅遊戲真係出極都玩唔厭，如果你玩《Gundam Versus》玩到悶悶地，或者今日介紹嘅呢隻《BORDER BREAK》會適合你！
呢隻由 SEGA 開發嘅線上多人對戰遊戲，採第三身視點，去過日本機舖嘅朋友或者有啲印象：因為佢喺 2009 年初登場嘅時候係一隻 Arcade Game，時至今日都仲係有唔少愛好者，而遊戲亦都定期推出活動。今次將平台移植落 PS4，目的絕對係想更多玩家落坑吧？（笑）
日本方面的遊戲 8 周年慶典
《BORDER BREAK》PS4 版黎緊 2 月份會推出公測，就算無 PS Plus 嘅朋友都可以參加（不過要日版 PSN Account LOL）；而遊戲正式推出日期為 2018年夏季，詳細日子待定。遊戲基本遊玩免費，如果要購買道具或裝備就要課金；如果購買實體版遊戲就會附上豪華特典！
至於遊戲玩法就分幾種：
（1）Team Battle：每隊最多可以組成 10人隊伍，去侵略對手基地，將對方戰力壓至最低為之勝利；每個機械人嘅弱點位置唔同，唔同機種會有變化，但弱點位置不外乎「頭、肩、腕、腳」四部份；而唔同機種可以裝備嘅武器數量同種類都唔同，最多甚至可以同時裝備四種武器。
（2）Story Mode：無錯，呢個遊戲係有故事的（喂）適合同伴未 Online 時用。
（3）Match：分為「Beginner」「Causal」「Rank」三種難度，玩家可以隨意挑戰
今次遊戲嘅另一注目點係主題曲！由著名作曲家澤野弘之同佢嘅音樂 Project「SawanoHiroyuki[nZk]」一手包辦；澤野弘之其中一個為人熟悉嘅合作作品就係《Gundam UC》；係咪講完就有哂印象呢？
大家記得 2 月份留意 Beta 日子啦！最後同大家分享遊戲宣傳片：
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。