日本 GANBARION 會社推出嘅手機遊戲《修羅道》已經登錄 iOS 及 Android 平台！《修羅道》係一隻格劍遊戲，玩家身份係一個殺人無數的武士，於死後墮進「修羅道」，死後仍然延續殺敵嘅命運；而遊戲世界就係以日本古代世界為背景嘅無限城，只要你技術夠高就可以一路打落去（笑）
呢隻格劍遊戲，配合手機觸屏嘅功能，操作算係相當簡單：按左屏幕「防禦」、按右屏幕「攻擊」、兩邊同時按就係「劍技」；如果玩家配合敵人動作、按屏嘅時間夠準確的話，仲會有機會出現「一閃」等等嘅特別攻擊。
遊戲最吸引嘅地方係畫質製作精美，無論係人設或者世界嘅氛圍，都甚有《仁王》嘅感覺，以手機遊戲黎講算係非常用心！另一方面，玩家喺殺敵同埋探索遊戲嘅同時，要開「葛篭」刷新武器、亦需要收集掉落嘅「霊片」去強化武器。目前遊戲可以收集嘅武器已經有超過八十種！睇黎要收齊全部都需要頗長時間呢……
武器模組做得非常精美細緻
為大家送上遊戲 Trailer：
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。