講到今年 PC 上面最 hit 既遊戲，《PUBG》絕對係當之無槐（咁《Getting Over it》都好紅既），最威水果陣 Steam上面直頭有三百萬人同時在線，能夠做到咁既成績當然會受到各界既注目啦！早前外媒 Inven Global 訪問 PUBG 公司 CEO Chang Han Kim 既時候就表示過佢希望將《PUBG》變成跨平台既國際娛樂品牌，其中進軍電影/劇集亦係考慮之列。
今朝求其望下條數都咁靚
當然好多人會話我又唔玩 PC，隻 Game 又得 Xbox One 版，關我鬼事咩。事實上《PUBG》係 Xbox One 推出之後二日已經突破咗100萬套銷量，係亞洲地區主機銷售量亦都見到顯著增長，的確印證咗呢隻遊戲既威力。
咁廣大既 PS4 玩家係咪即係得個望字呢，阿 CEO 係訪問入面就透露：「現階段想做好 Xbox One 版本先，不過如果有機會的話，希望係每個平台都可以玩到《PUBG》」，希望呢個機會係 2018年會出現啦！
PUBG CEO Chang Han Kim（圖片來源：Inven Global）
另外一樣大家好關心既就係 CEO 話希望以《PUBG》為基礎再發展做一個全球性既娛樂品牌，佢提到話會向 Esport、電影、電視劇、動畫、卡通等等範疇進軍，而且已經有好幾名黎自荷李活同 Netflix 既 Developers 聯絡過佢地。如果成事的話係咪意味住大家會睇到新一輯既「大逃殺」呢？
網上其實有好多 PUBG 短片，呢條算係當中比較有水準之作：