再次多謝台灣 Bricker 團隊幫助借出一套四款《Cities Of Wonders》台灣限定。四款都出自台灣 LEGO 認證大師 (LEGO Certified Professional) 黃彥智黃醫師嘅手筆。尋日介紹左85大樓 同 赤崁樓 ，今日就同大家睇埋剩低嘅台中火車站同中正紀念堂啦！

台中火車站 Taichung Station

159件，又係低件數大效果嘅表現

製作過程

台中火車站 Taichung Station Parts List

本身台中火車站嘅建築設計就同好多古式火車站相似，但係黃醫師選件嘅時候特登將車站一啲位置輕微誇大些少，去特出台中火車站中好標誌性嘅特點好似站前簷蓬、屋頂、鐘樓等等。雖然台中火車站經已喺 2016 年停用，但如果大家去台中市中區都仲可以去參觀，因為佢經已改做文化藝術用途，鍾意啲文青野記得去行下睇下啦！

中正紀念堂 Chiang Kai-Shek Memorial Hall

154件，全套四件中最少件數，但還原度似乎最高

中正紀念堂 Chiang Kai-Shek Memorial Hall Parts List

中正紀念堂冇去過都有睇過佢相，點都記得佢外觀啦！再次證明黃醫師對原建築變成自己作品下嘅「取捨」掌握得十分穩陣。大家有留意中正紀念堂的話會好記得堂下嘅長梯級，但為左整體結構同主體表現，黃醫師明顯縮細梯級去特顯紀念堂嘅外貌！而中正紀念堂牌匾亦係台灣限定中唯一嘅「反件」使用位置。而且堂中亦用左隻 Body Microfig 去表現中正紀念堂內嘅蔣中正銅像。唔好以為銅像變左灰色石像，只係原來 Body Microfig 係冇出產過銅色或深紅色，但為形態上選用 Body Microfig 就更似原本造型。