一直以黎多人對戰恐怖生存遊戲都係以《L4D》系列為首，到今時今日都無乜邊隻同類型 Game 可以超越到佢 （《H1Z1》我覺得還好，不過恐怖感欠奉）。今次挑戰《L4D》皇者地位既就係一隻叫做《Dead Dozen》既遊戲，由製作《荒野八人組 The Wild Eight》 Fntastic 團隊開發。
遊戲基本概念都係分為生存者同喪屍（食屍鬼）陣營，初始時就應該係 11 生存者 vs 1 食屍鬼，面對住生存者食屍鬼係擁有絕對優勢，例如可以係極高點下降、可以破壞部份牆壁、近戰秒殺生存者等等能力，另外比食屍鬼殺死既生存者係地下訓一陣之後就會變為喪屍。
作為生存者一方會分為偵查、突擊、支援、防衛四種職業，分別會對應唔同副武裝同特殊技能，最重要既就係可以使用槍械以及利用材料加固牆壁咁，呢 Part 相信係參考咗《Rainbow Six Siege》。
食屍鬼造型…….嗯
係影片最尾可以見到其中一位生存者突然會變做喪屍，估計病毒可能有「潛伏期」，病發時就會直接變做喪屍，不過我地一開始就 TK 晒全部隊友咪可以避免呢個問題！！
今次放出黎既影片係屬於早期 Pre-alpha 畫面，所以畫質同流暢度都……相信開放 Alpha Test 既時候會有改善。《Dead Dozen》目前係官方網站做緊 Full Pack 優惠，USD $19.49 包含Steam Alpha & Beta Test 搶先體驗資格、完成版 Steam Key 等等，最早係 2018 年 1 月 18 會開放 Alpha 1 Test。
VJGamer總編，細細個已經蒲機舖，機齡甚深，熱愛電玩文化。