騰訊拎咗全球大熱既大逃殺遊戲《Playerunknown’s Battlegrounds》(《PUBG》) 中國獨家代理營運權就好多人都知，除咗 PC 原版之外佢地仲會開發《PUBG》手機版，當然為咗配合中國政府既方針 (詳見：《PUBG》係咁先？ 廣電總局對大逃殺類遊戲持否定態度 ) ，不論 PC 版又或者手遊都會依照中國相關政策法規既要求，即係…….好多愛國標語走唔甩架啦……。
9成會係咁囉
《PUBG》 製作人 Kim Chang Han 同騰訊高級副總裁馬曉軼就提到話佢地雙方團隊會緊密合作去開發手機版，而目前手機版開發進度亦都好理想。同時亦都提到手機版亦都會保留 PC 原版當中既元素同玩法等等，另外射擊感、載具、 Server 等等野都會再加以強化，不過就暫時未知正式推出日期。
另外騰訊旗下北極光工作室研發咗一隻叫做《無限法則》既大逃殺類遊戲，英文名叫《Europa》，採用北極光工作室研發既 QuicksilverX 引擎，並加上日夜交替等 11種天氣變化，聲稱如果天氣差既時候用載具移動都會受到影響，可能會易啲炒車掛！不過基本上玩法就同《PUBG》一樣，都係空降落個島度周圍搵裝同殺人，隨住時間推進遊戲地圖亦都會一步一步咁收窄，對呢隻《無限法則》有興趣既可以睇下條 Trailer，目前遊戲有得申請搶先測試資格，不過上市時間就未定。
回帶相關文章：