法國著名文學作品《孤星淚（悲慘世界）》，大家無睇過書，應該都有睇過戲！今年係呢個作品嘅音樂劇登錄日本舞台嘅 30 週年紀念，咁啱日本「ココネ公司」就推出咗呢隻以貓為主角嘅手機遊戲，名為《猫のニャッホ～ニャ・ミゼラブル》（中文可以理解為《貓咪的悲慘世界》，仲搵咗著名聲優杉田智和（即係《銀魂》個阿銀呀！）黎聲演主角貓咪添！遊戲 iOS / Android 對應，而家做緊事前登錄，預計 11 月份正式上架，基本遊玩免費。
雖然貓咪主角圓碌碌，表面上好似治癒系遊戲；不過，個故事背景睇完我都扁哂嘴！
故事內容講：原本生活幸福、有主人照顧嘅主角，意外失去主人，仲失去容身之所；為咗擺脫悲痛以及生活下去，佢就開始咗畫畫嘅生涯。
我諗住係開心嘢，點知個 Trailer 開頭咁 Sad…
遊戲玩法係常見嘅同色消除 Puzzle，過關就會得到金幣
當你累積嘅錢越多，就可以買越多傢俱黎佈置自己屋企
……目標係重建曾經帶比自己快樂回憶嘅嗰個家
嗯……雖然唔知點解成個遊戲嘅設定都咁令人心酸，心酸到就算有杉田把聲，都好似發揮唔到佢應有嘅作用咁（笑）不過呢啲小遊戲如果係坐車等人輕鬆玩都唔錯吖！
事前登錄會送石喔！
最後送上遊戲 Trailer：
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。