拿隻 Game 我無玩就唔敢評論，不過外國玩家就因為《Star Wars Battlefront II 》，係外國著名論壇 Reddit 唔夠一日內對 EA 送上 35萬負皮，破咗 Reddit 史上最高負皮紀錄，真係可喜可賀！
事源係將於 11 月 17 日上市既《Star Wars Battlefront II》雖然上集負皮連連，但係因為早前既 Beta Test 反應同評價都良好，一眾《Star Wars》Fans 都好期待呢隻新作。
但係本身已經連續兩屆蟬聯美國最垃圾企業獎「美國金大便獎」(America’ Golden Poo award)既 EA 又再獻新猷，係隻 Game 正式推出前就宣布遊戲入面為數唔少既英雄係需要透過課金買既戰利品箱黎解鎖，當中包括 Darth 同 Skywalker！
係丫 Lock 住架
當然除咗課金之外 EA 就話其實可以靠遊戲入面打錢 Unlock 既，不過外國玩家計過如果要靠打錢買既話就最少到要 40粒鐘先搞得掂，仲要我以經比咗 80蚊美金買隻 Game 但係連黑武士都無得玩，是咪弱智！
就係呢個 PO 啦！
比咁多人問候母親大人之後，EA 官方諗住救火但係就變咗撥火，佢地係 Reddit 回覆話：
「呢個設計係為咗當玩家解鎖英雄時會感到驕傲同有成就感。」 (The intent is to provide players with a sense of pride and accomplishment for unlocking different heroes)
果然弱智並唔係靠一日鍊成。
講完呢堆廢話之後負皮數字就瘋狂上升，截稿時已經去到 68萬負皮，EA 都可以算係成就咗一個歷史既誕生丫！
-680K 呢個數字你估咁易做到
EA 拎咗呢個成就之後終於釋出善意，係官網宣布大幅減少解鎖頂級英雄所需代幣，而家解鎖黑武士只需要 15,000 代幣，比起之前少咗 75％。並且係 Reddit 論壇搞個「Ask me anything」你問我答活動，不過我睇9成9係變做「我插你受」活動，視乎你叫得幾大聲再決定原唔原諒你啦！
我都唔識講，神級公關