《Assassin’s Creed: Origin》（刺客教條：始源）你入手咗未？遊戲推出短短幾日入面，喺世界各地都再次掀起一股《刺客》熱潮；我地編輯部幾位成員都係晚晚玩到唔願瞓！

喺遊戲推出之前，我喺信和不時會聽到「刺客系列出得太密，今次咪又係換湯不換藥？都係唔玩啦！」之類嘅評價，咁我都明嘅，對上兩次《Unity》以及《Syndicate》因為分別以法國及英國為背景，咁遊戲氛圍上唔多唔少有啲類似。

不過，喺我自己入手遊戲之後，我可以好肯定咁同大家講：Ubisoft 今次推出嘅《Origin》絕對係超革新之作，以埃及為背景，遊戲內容唔止包含「歷史」，仲帶有濃厚古埃及神祗傳說嘅神秘感。

我地嘅總編就表示遲啲會出一篇正式嘅遊戲評測文，不過，如果你到今日仲猶豫緊入唔入手遊戲，我可以好簡單咁同你講：《Origin》係一隻有歷險、解謎元素嘅動作遊戲，一開始舊 Fans 可能會唔慣；不過玩落去就會發現《刺客》傳統嘅樂趣其實都以一個新嘅方式融合喺遊戲入面。

以下係我喺遊戲中見到其他網友分享嘅截圖：

地圖「同步」

信仰之躍

遊戲已經上市架啦！仲要係中英文同梱版添！大家快啲去 Game 舖或者 PS Store 望吓啦～