《人龍》入面嘅「水商售」支線一向係遊戲系列嘅一大特色，不過有別於舊版單純地由桐生大叔去識女女嘅玩法，《極2》同《北斗之龍》一樣，採用《人龍0》入面大受歡迎嘅真島篇玩法：今次，都係直接由桐生去經營夜總會！

《人龍》邀請女優加入遊戲一向好揼本（記唔記得之前有波多野結衣？），剛剛官方就宣佈今作陣容：明日花綺羅、三上悠亞、高橋聖子、AIKA、桃乃木香奈～

以上女優嘅大名，連身為女性嘅我都有聽過吖！男性玩家應該唔會感到陌生吧？見到呢個陣容之後又加強咗我想玩《極2》嘅欲望啦！

唔同女優有不同屬性及能力，應付唔同客人需要

桐生要配合在場女女嘅 Request 令到接客過程更順暢（咁先可以賺到最多錢嘛！）

以稱霸業界為目標吧！

遊戲中當然少不了偶爾要幫女女解決問題

《人中之龍 2》喺 PS2 推出嘅時候，相信唔少玩家都玩過呢隻經典作品！不過官方除咗吸新玩家，應該都好想引舊玩家回坑吧？所以目前《極2》公佈嘅資訊入面，都有幾多係全新元素，非常有 Heart 吖！

《人中之龍 極2》於 2017.12.07 日、中文版同步上市， PlayStation Store 已經有得預購數位版架啦，記得快啲入手啊！