下年 2月22日 推出嘅《北斗之龍》係《北斗神拳》故事嘅序章，主要講拳四郎踏上旅程要搵返比「南斗神拳」傳人 Shin（シン）搶走咗嘅未婚妻尤莉亞（ユリア）。

呢個畫面……個腦響起《尋找他鄉的故事》啲音樂 orz

未婚妻尤莉亞

本集遊戲最終 Boss 聖帝 サウザー

【水商售】

《北斗神拳》官方剛剛發佈遊戲部份玩法，當中「水商售」（即係夜總會啦）部份，拳四郎嘅身份並唔係顧客，而係酒保、守衛、侍應……總之咩都要做哂啦 lol

玩法上面有少少似《人中之龍 0》入面後生真島篇，要識睇啲手勢暗號，又要識幫客人揀小姐……其實當年玩《0》時我玩「水商售」呢部份玩得好開心，估唔到《北龍》入面會用返呢套系統！

作為酒保，識耍返兩套拳是常識

【越野車探索】

因為《北龍》個地圖相當大，所以好多時拳四郎以車代步；不過既然探索部份多咗「車」呢個元素，即係街邊撩交打嘅爛仔 Play 都分分鐘會變成車戰！

【棒球】

《人龍》經典小遊戲「打棒球」黎到《北龍》出現變奏版：打人球！LOL

玩法類似係爛仔飛車衝埋黎，你就要將佢擊中打飛咁樣。咁嘅玩法都諗得出，果然延續咗《人龍》惡搞有理嘅精神 LOL

【節奏Game】

拳四郎可以利用治癒能力，可以幫人鬆馳或者舒緩疲勞；遊戲將呢一點做成小遊戲，好似音 Game 咁，玩家跟住節奏輸入指令，就可以出現唔同程度嘅治癒效果 LOL

其他新公開要素例如係城鎮中嘅爛仔交

最後一樣，SEGA Fans 或者會好高興嘅係：《北龍》中依然有 Game Centre 可以玩返 SEGA 舊作，不過好多遊戲就需要玩家去荒野探索時搵返黎，聽落又係一樣好花時間嘅收集項目啊～

有機會可以玩返 1986 年代版《北斗神拳》添

最後送上遊戲 Trailer：