陪伴唔少玩家成長嘅校園青澀純愛系列《秋之回憶》,喺距離上一集七年之後,官方宣佈系列最終作《Innocent Fille》即將於 2018 年日文與繁中版同步上市,對應 PS4 / PSV / PC 平台。
《秋之回憶》第一集已經講緊係 1999 年嘅事,咁多年黎,系列一直喺亞洲地區玩家心中有住一席位。日本每年推出嘅 AVG 遊戲多不勝數,但可以喺眾多作品中脫穎而出,《秋之回憶》嘅成功一定有佢嘅原因(不可不提另一個系列《白色相簿1&2》(純淨版LOL)都係個人推介之一)
除咗遊戲,《秋之回憶》亦曾經推出過幾集 OVA,唯美純真嘅人設同埋劇本,加上系列過往都會採用豪華聲優陣,就算係以前未接觸過《秋》系列嘅朋友,或者因爲日文苦手而玩唔到文字 AVG 嘅朋友,我都強烈推薦你趁今次繁中同步嘅機會(雖然我始終覺得呢啲 Game 要玩日文先正),感受系列作嘅感動吖!
今集故事大綱:男主角參加短期交流生計劃,轉去就讀學校嘅姐妹校「湘南海陵高校」,仲同幾位舊朋友重遇;眼看係一般青春校園劇愉快嘅開始,但係,男主角似乎係為咗逃避某啲事先選擇暫時轉校……
我本身都玩好多 AVG 遊戲(PSV 玩呢啲真係太方便 ),所以絕對很期待呢隻遊戲!遊戲目前聲優陣以及正式發售日期都未公佈,有最新消息會再同大家匯報喔!
製作團隊
- 製作人:
柴田太郎、市川和弘
楊 若昕(GloriaWorks)、劉 達峰(GloriaWorks) - 企劃 ‧ 原案 ‧ 總監:
相澤こたろー(ixtl) - 主題曲:
志村千代丸 - 劇本作家:
日暮茶坊(Elephante)、下村健(Qualia)
白木原怜次、たきもとまさし、川嶋一洋 - 角色設計:
平つくね、安正まこと、相澤こたろー、池田靖宏 - 客串角色設計:
ささきむつみ、松尾ゆきひろ、and more - 音樂作曲家:
阿保剛
最後大家可以睇下遊戲第一個 Trailer: