講起日本鐵道遊戲，大家最有印象嘅應該都係 PlayStation 年代嘅《電車GO！》不過呢個系列應該都成為絕響啦（淚）今日想同大家介紹另一個以日本鐵道為主題嘅遊戲《ご当地鉄道 for Nintendo Switch!! 》，預計 2017 年 冬天發售；喺 2014 年時遊戲曾經喺 3DS / WiiU 出過第一代《ご当地鉄道～ご当地キャラと日本全国の旅～》，所以大家未必會感到陌生！

《ご当地鉄道》玩法同《電車Go》係完全唔同的，希望大家唔好夾硬拎黎比較啊（笑）雖然同樣以鐵道為主題，不過《ご当地鉄道》除咗主打家庭向、又或者一班朋友玩之外，另一重點係想向大家介紹日本各地嘅特色；推廣旅遊業做到出隻專用 Game，真係寫個服字吖！

《ご当地鉄道》係一隻棋盤遊戲，可供 1～4人同時遊玩

既然話明係鐵道巡禮（笑），各地嘅吉祥物當然會出現喺遊戲入面，例如係香港朋友最為熟悉嘅樹梨精及熊本熊

……全部加埋一齊有少少密集恐懼（喂）

總登場吉祥物人數有 120 人以上（抖）

遊戲玩法好簡單，玩家（1～4人）輪流到達唔同目的地，務求令當地吉祥物成為自己同伴，然後就進行唔同嘅活動、小遊戲令到追隨你地嘅 Fans 增加！遊戲每一 Round 完時睇吓邊個玩家 Fans 數最多就為之勝出。

遊戲過程入面，仲會出現 NPC 敵人「ご当地キング おじゃポン」不斷阻撓玩家前進，亦會出現 NPC「エンゼルおじゃポン」從旁協助玩家。

吉祥物各自有自己的特技

對於喜愛日本文化嘅朋友黎講，遊戲仲有一個賣點：就係每到達一個新地點，都會有機會獲取當地嘅特產 Item；如果你同我打機一樣有收藏控的話，嗯……遊戲入面要收集嘅特產超過 180 種啊，我地一齊加油！LOL

每個地方仲有實景介紹添架

玩家自己嘅 mii 可以喺日本各地虛擬play留念 LOL

美中不足嘅係，遊戲中嘅吉祥物係無配音的，真係好可惜呀！好想聽熊本熊笨嘟嘟講嘢呀……

另外，遊戲雖然可以四人遊玩，但係唔支援面連、網連功能的，所以要同朋友玩就真係要約出黎打啦今個冬天聖誕仲有以下遊戲可以選擇架：【圓碌碌角落生物樂園 on switch】

最後係遊戲官方 Trailer：

回帶相關文章：

【圓碌碌】角落生物「すみっコぐらし」Switch 版多人遊戲 12 月登場

【經典懷舊】準備好未？PS 年代《電車Go！》2018年再度面世！