GTA 遊戲工作室 Rockstar Games 於 2011 年嘅時候推出咗《L.A.Noire》呢隻偵探遊戲，遊戲以「重現 1947 年嘅洛杉磯」以及「像真擬人兇案調查」為賣點，當時喺 PS3 及 XBox 360 推出時，於歐美地區大受好評。

PS3 版遊戲過程可以參考以下影片：

唔知你鍾唔鍾意呢種美式復古風？如果當時你無玩過呢隻遊戲，睇完片段感到有興趣嘅或者可以考慮而家入手！事關 Rockstar 剛剛公佈：《L.A.Noire》將提升畫質至超高清 4K 畫面，對應 PS4 Pro、XBox One X，以及最估佢唔到嘅 Nintendo Switch！即係話佢係 Rockstar 第一個落 Switch 嘅遊戲！

當年嘅 PS3 畫面其實已經叫做好高質素

新版《L.A.Noire》暫定於 2017.11.14 推出，除咗上面提到嘅畫面提升之外，遊戲推出時仲包埋當年所有 DLC；所以，話就話係移植作品，但睇目前公佈嘅改善黎講，都算係非常抵玩。

比較特別嘅係，Rockstar 為咗想比玩家真實感受遊戲中嘅氛圍，仲特別推出新 Patch《L.A. Noire: The VR Case Files》；無錯，係 VR！不過就唔係 PSVR，而係對應 HTC Vive，呢套虛擬實境裝置質素極高，不過一啲都唔平，香港唔知有幾多人有呢 orz

遊戲售價、以及會唔會出埋中文版目前就未公佈，有最新消息會再通知大家；不過點都好啦，11月大家又多個遊戲可以選擇～