虛擬偶像《初音》不知不覺已經陪伴咗大家好多個年頭，今日 8月31日 就係角色誕生嘅 10 週年啦！相信就算本身唔係 Fans 甚至唔係好打機嘅朋友，都會對初音嘅蔥色雙馬尾造型有深刻印象，咁當然啦，作為一個跨越二、三次元平台嘅 Idol 角色，初音應該係呢個世紀最突破亦都係最成功嘅創作！

有興趣嘅朋友可以睇吓2016 年初音演唱會嘅…完整片段：

話哂係十週年，日本當地又有咩慶祝活動呢？

SEGA 總部為初音切蛋糕當然就少不免啊！

Good Smile 於秋葉原駅內開展了初音紀念販賣會

唔買都唔緊要，大會講到明歡迎參觀拍照

咁呢個 Post 當然唔係淨係要轉貼初音嘅生日賀圖啦（笑）其實係想提吓大家，初音最新遊戲《Project DIVA Future Tone DX》將於 2017.11.22 日版與繁體中文版同步上市！

今次嘅《DX》版其實係舊年推出《初音ミク Project DIVA Future Tone》嘅加強版，連埋新增歌曲以及 MV，收錄嘅可遊玩歌曲數達到 238 首、而家各個角色可換嘅服裝則共有 396 套。

DX 版宣傳 Trailer：

與遊戲同步發售嘅仲有10週年紀念版 PS4（不過唔係 Pro LOL）

至於遊戲玩法相信都唔駛我多講，初音系列嘅音樂遊戲帶有好重嘅 MV 鑑賞成份，不過，不斷換位以及逐句出現嘅音符，對於玩慣直落式音 Game 嘅朋友黎講，可能要分少少時間適應；同埋因為 MV 不斷播放，所以其實你分神睇背景做緊咩嘅話就好容易 Miss 咗幾粒音 XD

寫到呢度，其實個心都幾滄桑，初音剛剛推出嘅時候我仲係無知中學雞啊～話咁快就迎來 10 週年了！所以作為 10 年回顧又好，作為紀念都好，呢隻《DX》對於有聽開／聽過 V 家音樂嘅朋友黎講，其實都有一定收藏價值的。有興趣嘅朋友記得定時定候就去預約啦（笑）