都市傳聞黎講 KFC 專整基因改造雞，有六隻雞翼八隻骳三十二個頭四十八個雞胸相信大家都聽過，不過實際係咪咁癲就無乜人知。早幾日外媒 PCGamer 就透露原來 KFC 引入咗 Oculus Rift 仲整埋隻專係訓練新員工點整雞既 VR Game《The Hard Way》，但係睇完條 GamePlay 片……嗯……jomud9……
呢面牆以經係成個場最正常架既地方……
據聞呢隻《The Hard Way》係用黎訓練員工並且通過內部「Chicken Mastery Certification」呢項認證，不過係《The Hard Way》入面就有好大陣騎呢味係度……淨係間屋企裝潢都唔知想點咁。
似精神病院多過廚房
遊戲開始果陣先係地底升張枱上黎，跟手就係天花版吊袋雞落黎……(得2隻翼2隻骳，正常雞黎架)，之後就正常既烹調程序，即係淥熟佢撲下粉咁啦。
靜置呢 Part 都尚算正常 (我有睇 Gordon Ramsay！)，到放啲雞落個炸鍋呢下就好似大力得滯，正常應該會比滾油彈死咗！
炸雞搞到做實驗咁款
啱啱炸完上黎就咁用手拎起……
當炸完雞之後就到試食階段，唔知點解要拖住機械人隻手漫步走向機械肯德基上校，仲要撳幾粒制好似 整煉成陣咁佢先識打開個口……食完返到現實就會有張成績單話你聽整成點架啦！
好得人驚！
就咁睇成件事你以為係搞笑賣廣告呢，不過 PCGamer 佢地向 KFC 證實既時候竟然係用新聞稿既型式黎回覆，基本上等同證實咗呢隻 Game 既存在只不過未正式使用咁解……如果佢真係咁訓練員工既話唔知會唔會引到好多人去見工呢 XD
VJGamer總編，細細個已經蒲機舖，機齡甚深，熱愛電玩文化。