根據非正式統計每位 Nintendo Switch 機主都會有既《Mario Kart 8 Deluxe》話佢係 Switch 上面最受歡迎既遊戲應該都無乜異議，不過大家仲記唔記得當年 Wii 既《Mario Kart Wii》其實都好爆下，最爆既地方係到今時今日竟然仲有人研究緊！最近外國一位 YouTuber 就發現咗呢隻接近出咗十年既遊戲原來係隱藏住一個任務模式！

呢位叫做 MrBean35000vr 既 YouTuber 係早幾日既直播入面就破解咗 2008 年出既呢隻《Mario Kart Wii》(我當年都有呢隻 Game…..)，破解之後發現係 Main Menu 度多咗個無字既模式，但係撳入去又玩到，而根據佢試玩既內容相信係同《Mario Kart DS》入面既任務模式係同一樣野黎！

係影片入面試玩既任務模式，可以見到有 打怪任務、打 Boss 任務 、飄移、收集道具箱、電單車平衡、電單車特技等等，MrBean35000vr 就話大約有12-13個任務。

其實當初呢個任務模式係《Mario Kart DS》入面出現係希望透過唔同既任務黎提升玩家既技術同埋知識，雖然而家既《Mario Kart 8 Deluxe》多人 Mini Game 模式都有類似既野，但係作為玩家梗係希望有多啲模式玩啦，話晒睇片打 Boss 真係幾過癮！