變形金剛係好多 MOCER 挑戰嘅一個系列，因為 LEGO 製作上嘅限制，要完全不拆件變形的確係一個高難度題目。『劉氏重工』(Joe Lau)話就話自己係個新手，不過今次所介紹嘅 LEGO MOC Chibi Inferno & Grapple 完全唔似一個新手作品之餘，背後仲有個小故事同大家分享，不過先睇左呢兩兄弟有咩咁出色先。
熟變形金剛嘅朋友一睇都認得係 G1 版本嘅造型，而且見到人型狀態仲有啲似係 MP 系列嘅影子。
G1動畫造型
LEGO Chibi Inferno
話晒都係消防車，當然有駕駛位要坐到人啦
活動性絕對不比其他變形金剛玩具差
頭側兩隻招牌翼之外，其實個咀仲可以開合
消防車嘅細節都做得非常清析
LEGO Chibi Grapple
製作上同Inferno非常相近，所以活動性同樣出色
雖然唔可以左右擺，但吊臂仲可以抬高，吊鈎亦可以調整長度
兩架放埋一齊好有「Q版賽車」嘅風格XD
有好多玩家砌 MOC 嘅原因主要只係想用 LEGO 去創作自己嘅作品去展示，擺左喺度就係擺囉！但今次介紹呢對Inferno & Grapple 製作背後都有段故。
話說Joe Lau之前製作另一個作品 BatCamper 嘅時候已經想將呢對兄弟做埋出嚟。直到佢嘅仔仔唔小心玩爛左隻變形金剛嘅 Inferno，就決定的起心肝不如自己砌隻比佢玩！
Transformable BatCamper Ver 2.0
|
以下係『劉氏重工』真傳幾個步驟可以幫到大家點去製作變形作品。
Step1 先要製作變形骨架，可以參考變形金剛的變形方法，之後便要將其骨架盡量簡化。
我主要使用 T join 做關節比較多，因為 T join 比較容易收藏，而 T 件插入以下的磚都會有很好的效果。
 Step2 開始砌外形，外形方面會用到以下幾類磚。
 Step3 當有大概外型之後，就可以試一次變形，當有不滿意不完整的地方時，就會回到 Step 1 逐部份解決。
(這裡會出現無限輪迴的情況)
Step4 加入不同的細緻部份，令作品印象真。
另外可以多參考日本及外國的 Mecha Moc，因為很多時技巧都是從前輩身上學回來的。
 其實我 MOC 都還是初哥一名，很多技巧及用磚還要學習，由 2015 年年中開始，初時砌機甲都會無從下手，所以都是跟著日本一些高手分享出來的設計去砌，當中會學到很多基本功。之後便會慢慢培養自己的想法，再將自己的想法實現。
2016 年 3 月開始了迷理坦克的概念，之後一整年都不停發展這個系列，而且還開發了小型機甲。到了 2017 年頭還著手『劉氏重工』的基地。
最後如果你創作中途很想放棄時，請記著堅持自己的道路，因為只有這樣，你才會跳出原有的，才會創作出自己風格的作品。
   |
阿九
打機 - 識少少；玩具 - 識少少；睇戲 - 識少少；動漫 - 識少少.....
買膠、派膠、分享膠！Only The Best Is Good Enough！
Lego Enthusiast //goo.gl/HRnxDW