喺日本備受注目嘅《Death end re;Quest》絕對係 Compile Heart 喺遊戲風格上嘅新嘗試！

就咁講 Compile Heart（コンパイルハート）公司名大家可能一時之間都未 Load 到佢出過啲咩 Game，但係講起日系美少女育成 或 RPG 遊戲例如係大熱作品《Date-A-Live》、《次元》系列，大家又會唔會有啲印象？

CH社以往十年嘅作品大部份都行萌萌風，所以見到佢黎緊出嘅《Death》居然一改常態行黑暗系風格，即刻引起我嘅注意。

遊戲概念圖

❖ 故事背景 ❖

男主角 水梨新 同埋女主角 二ノ宮しいな 合力製作大型 VR 對應 MMORPG「World’s Odyssey（ワールズ・オデッセイ）」，但開發中途，身為 Decrypter（解碼工程師？唔識譯 sorry orz）嘅 二ノ宮しいな 二ノ宮しいな 突然失蹤，呢個遊戲開發企劃亦因此告終。

但係，一年之後，原本已經唔存在喺網路上面嘅 World’s Odyssey 居然自己開始運作，原因仲係受到不名嘅 Bug 所感染（而呢啲 Bug 喺遊戲世界入面，的確係活生生嘅蟲）不可思議嘅地方係：遊戲入面嘅 NPC 唔止有自己思想，亦有部份 NPC 根本唔係團隊創作出黎嘅！

同一時間，水梨新收到二ノ宮しいな嘅 E-mail，話自己一直被困在 World’s Odyssey 入面……

咁遊戲當然係呢度開始啦！

睇完呢個故事大綱我都幾有興趣，雖然虛擬實境 <—> 現實呢個設定我個人認為幾有《SAO》嘅影子；

而侵蝕・解放・非人生物但有人類思想 呢個設定又令我不禁諗起《Nier: Automata》……

一定係我錯覺，一定係！（喂）

❖ 遊戲系統 ❖

雖然而家遊戲釋出嘅系統及戰鬥資訊仲係好少，但係估計個探索地圖都幾大（應該就唔係 Open World 架啦）、戰鬥就應該係地域入面即時遇敵，不過係即戰定係回合制就未知。

以下比啲圖大家睇吓：）

人設圖。左右為男女主角；其餘角色資料及聲優有待公佈

不過……其實有一樣嘢，唔知算唔算係故事嘅伏線：

而家個狀況係，男主角 水梨新 喺現實，嘗試用技術去修正遊戲嘅「Bug」；但係女主角喺遊戲世界入面架喎！而女主角同時係唔應該存在喺遊戲入面嘅嘢……如果最後成功 Fix Bug，唔通意味住女主角都會因此而……

雖然我又唔覺得呢個遊戲會 Sad End 嘅 orz

目測有幾個大地圖可以探索

主要遊戲場景幾靚

好想快啲知道戰鬥模式係點樣

呢啲唔通就係「蟲」？

暗黑蘿莉我 OK（心）

以上係《Death》目前官方提供嘅資料，唔知會唔會引起到大家嘅興趣呢？

一切都尚在開發階段，我諗最快都要 2018 年先玩到。

如果出咗戰鬥方面資訊，我會再同大家匯報！

大家可以睇埋遊戲嘅概念 Trailer：