雖然啱啱出咗 Splatoon 2，但係每晚唔玩下 Gundam 去展示我地不受重力束縛既決心就硬係周身唔聚財。咁 BANDAI NAMCO Entertainment 早前就正式公布將會係 7月27號進行第一波既免費更新 (Ver.1.03)，今次更新將會加一大堆野落去，呢舖真係哪有時間 DLLM…….
今次既更新將會係 7月27號日本時間 10：00 後開放下載，將會開放之前限定版特典先有既「天狼型巴巴托斯」(ガンダム・バルバトスルプス) 同埋普通版、期間限定版、下載版共通預約特典肥仔德「德天使 Gundam」(ガンダムヴァーチェ)，當中「天狼型巴巴托斯」係屬於付費 DLC 盛惠 602 日元，肥仔德就基本上而家有 Game 既都會有，不過之後就唔包啦……
天狼型巴巴托斯，買限定版既朋友相信已經用到好熟
肥仔德 (對面果架阿)
劇毒「終極模式」 EXTRA BATTLLE 免費用 DLC機
大家玩「終極模式」果陣咪會有亂入既 EXTRA BATTLLE 既，係更新之後如果係玩「破壞者」的話將會出現期間限定特殊規則，到時會出現原本要比錢買 DLC 既機體比你試用。除咗「終極模式」之外單機 Mode「Trail Mode」入面預定會出現要比錢買既 DLC 機，不過係以敵機身分出現 :o)，不論你係用呢啲 DLC 機黎打人定比人打，試完覺得好正既話……咪乖乖地比錢囉。
放毒 Extra Wave 「破壞者」
另外「終極模式」仲會追加每15波出現既大型 MA Boss 既全新路線，真係有排玩……
Ranking 開放
高手鬥技場「Ranking (ランクマッチ) 模式」正式開放。Ranking 模式將會自動配對同自己階級接近既玩家進行線上對戰，輸贏都會對自身階級產生變動。不過要玩 Ranking 必需要去到「Regular」以上先有得玩。
係 Ranking Mode 入面有分 自定隊伍AT (チームホールド) 同隨機自動配對 RT (チームフリー) 2種玩法，而且仲可以設定組隊隊友係用咩 Cost機，咁就算無朋友一齊練開都唔洗擔心搵唔到腳啦。
當然打得 Ranking 就一定有排行榜，玩家既階級同埋各機體熟練度都會顯示係榜度。
新增 Replay 上下載功能
更新後可以將自己覺得打得好叻叻既 Replay 擺上載，但係你要係 Ranking / 玩家對戰或者自由對戰打夠100場先會有 1次 UL 權。當然亦都可以 DL 其他玩家既 Replay，呢個功能真係好重要，事關睇高手既 Replay 係絕對學到野的！
自由對戰追加 BGM Random Play
係「自由對戰 (フリーバトル)」BGM 設定追加隨機播放。
各機體、Striker、地圖調整
更新後會調整各機體既武裝、Cancel Route，另外 Striker 同地圖都會調整，不過詳細改啲乜就未有資料。
今次更新既宣傳影片
回帶相關文章：