Netflix 原創系列《Castlevania 惡魔城動畫》其實睇完都成個幾星期，其實第一季得四集，每集半個鐘，睇完第一集我第一個反應喺叫身邊同事快啲睇好X好睇！

個半鐘後我睇晒嘅第一個反應係叫我同事唔好睇！

千祈唔好睇！

千祈唔好睇(設計對白)

點解”千祈唔好睇”就後少少講，先講《Castlevania 惡魔城動畫》故事係改篇自 1989年《惡魔城傳說 Castlevania III: Dracula’s Curse》，當年故事就冇咁複雜，交代個開場都只係幾段字。

總之你就係 Trevor Belmont (日版ラルフ・C・ベルモンド Ralph C. Belmond)，受家族所托去消滅德古拉，但點解 Belmont 會被世人背棄？點解德古拉要佔領歐洲？城入面點解有咁多怪物又有咁多機械？甚至當中啲人物身世當年都係冇交代到。

直到之後嘅作品先開始慢慢補完呢個正傳故事，當然如果你睇動畫版就會更直接知道。

動畫版就只係用頭十分鐘就交代晒點解要屠城殺人作惡嘅前因後果，亦用左一個幾血腥暴力嘅畫面去表現(真人化都肯定十八禁)而且第一集就先預告定重要角色 Alucard 嘅登場，絕對令 Fans 們非常吊癮。

女觀眾福利

再去到後面嘅故事，雖然有少少嘅改動，但係有啲重要情節係完全奉上！好似以初次相遇 Sypha 嘅情節為例子，只係場景上嘅改變之外，真係要打完獨眼巨人先救到佢。

救左Sypha都未見Grant，可能要到下季先見到

作畫方面雖然未去到一啲令人驚嘆嘅程度，而且以日本OVA動畫作比較否至算係水準一般，相反以好多TV動畫比又算水準之上。文場係會有小小偷雞，但絕無作畫崩壞嘅情況發生，而且睇得出製作團隊 Frederator Studios 同 Powerhouse Animation Studios 亦好努力去追貼日本動畫風格。加上掛住一個《遊戲改篇動畫劇集》呢個標籤去睇，真係出類拔萃嘅一群(H向嘅唔計)。

加上故事上嘅用心安排，令到大家對德古拉呢個大魔王有份憐憫同人性，相對故事中嘅人類更似人。

不過有一點唔知係特別用心定錯有錯著，中文字幕嘅主角名係跟日版用 Ralph，英文語音同字幕都係用美版 Trevor 。睇開日本動畫嘅大家，要以英文配音睇日本動畫風格係有啲怪怪地，但香港其實係有日語配音選擇！唔洗登出Netflix，只要你將其中一個/開多個「使用者」係日文，咁你就聽到日語配音啦！