係早幾日既 Playstation 動漫節傳媒試玩會入面，我地試玩咗大家都非常期待既《Dragon Ball Z Fighter》，今次回歸 2D 格鬥型式再加上由《Guilty Gear》系列開發商 Arc System Works 製作，水準絕對有保證，但係具體隻 Game 各方面表現又如何呢？

因為仲係試玩版既關係，所以全部野都係預設 Setting，最估唔到既係竟然成個 Playstation 制 8粒制全部有用！

各個按鍵分別係：正方 – 輕攻擊、三角 – 中攻擊、圓圈 – 重攻擊、交叉 – 氣功、L1 & L2 – 召喚 / 更換隊友、R1 – 投技、R2 – 爆氣衝撞。

呢下就係爆氣衝撞

試玩版得6個人揀

一般固有指令好似龜波、氣円斬等等全部都有，Fans絕對唔需要擔心。當然仲有其他特殊指令，例如 ←+交叉就係經典動作反波，試過比達狂射波我狂反波係 Work的！

←+L1 & L2 就係 Call 隊友跳出黎出招，類似 MVC 既系統，當然你隻人跳出黎果陣食招係會2個人一齊扣血的。而更換隊友就係 →+L1 & L2，當角色換入到待機欄就會回復返藍色既血量。

呢下就係反波動作

反波成功

氣円斬，有來回2段判定，唔知會唔會有埋半身版菲利用呢

Call Assist，非常好洗好用

有 2段跳同空中 Dash，不過跳第2下之後就唔可以 Dash 了。另外亦都試咗 ↓ +重攻擊係轟起對手，不過就未試到點追擊。

唔似一般格鬥 Game 咁好依賴立回，基本要埋身好多手段，除咗前衝之外簡簡單單撳 R2 – 爆氣衝撞亦都可以，就算對手擋咗硬直亦都唔算大。

同之前影片所見一樣基本輕>中>重 TC、↓ 輕>中>重 TC 同空中輕>中>重 TC 都有，連技亦都非常簡單，TC > 爆氣衝撞 > TC > 超必殺技已經輕鬆帶走大半血量，對於新手相信都無乜難度可言，但係觀賞度已經贏晒！

無吹水架…..呢度真係一 Set 帶走既血量

TC 接必殺技埋尾，極易出

唔知係咪試玩既關係，只要狂撳 R1 投技就可以實現無限 Combo，對手必需要爆一格氣黎受身先破到

總結：

一貫 Bandai 特色：門檻底易上手之作品。

打擊感同埋演出畫面絕對無可挑剔，Fans相信一定收貨，但係比較擔心既就係持續性問題。當新手都可以輕鬆一 Set 帶走大半血量既時候，高手同新手之間既距離就會縮窄得非常利害，到底要點樣去平衡呢個位相信係好重要既一環。

其實龍珠 Fans 自從對上隻街機 超ドラゴンボールZ之後都無一隻格鬥味咁濃既作品出現過，加上由經驗豐富既 Arc System Work 製作水準唔需要懷疑，希望今次係我未試真，仲有好多深入野未試到啦 🙁 。