《Cities Of Wonders》呢個活動都唔洗再提大家啦，咁「尖沙咀鐘樓」呢排喺銅鑼灣換緊，就開箱睇下佢點砌啦！

327件嘅「鐘樓」，有埋張圖喺右上角話埋你知。

今次用啲軟身紙盒，如果收藏用就要小心啲啦。

開盒見說明書之外，組件包裝竟然係用「密實袋」？！不過唔理咁多，砌左先算！ 🙂

製作過程

Former Kowloon-Canton Railway Clock Tower Parts List

三百幾件組件就可以將尖沙咀鐘樓連水池都整到出嚟係幾厲害，加上鐘樓拱頂嘅八支柱用平常嘅抓牙件去做返個型態，而且將平時常用嘅花莖反轉做椰樹呢個諗法亦係犀利！

可惜發現有一個失誤令呢件作品大大扣分，尖沙咀鐘樓四面其實都係四個不同嘅設定。以水池望向鐘樓為正面的話，正面只有鐘、左面有鐘及三隻窗、背後只有鐘及門，而右邊是鐘及一隻窗。如果玩家想「完美地」重現鐘樓的話就可能要自己執返一件組件啦。