由新晉遊戲開發商 Rainy Frog 製作嘅復古恐怖求生遊戲《Dead House 再生》（デッドハウス 再生）繼 PS4 以及 Wii-U 之後，早前正式宣佈會落埋 Switch 平台！Switch 目前都未曾出現恐怖元素嘅遊戲，所以就算呢個遊戲唔係平台獨佔，但係都令呢部遊戲機慢慢變得多元化，對於 Switch 玩家黎講，相信都係好事喔？

有關 Rainy Frog

Rainy Frog 係一間小型遊戲製作公司，目前都以製作配信版遊戲為主（即係 Download 版）；而佢以往嘅作品則主要落喺任記 3DS 以及 Wii-U 平台，今年開始先開始落埋 PS4。Rainy Frog 嘅作品大多為帶有 90 年代風格嘅小遊戲，如果我發現有趣嘅遊戲會再同大家介紹 (・∀・)

《Dead House》都唔例外，佢唔止有 90 年代嘅味道，遊戲中仲帶有少少初代 Biohazard 嘅風格。

遊戲流程

遊戲背景好簡單，你嘅同伴比病持感染，要拯救佢地，就必須喺限時 30 分鐘入面，喺大屋某處搵到解毒嘅疫苗。

入 Game 之後，首先從兩個角色中揀一個，而兩個角色喺能力值方面各有少少唔同：

似係近攻型

呢個唔好似係技術型

到底點樣活用 30 分鐘時間，保住命仔之餘、仲要收集兼分析手頭上嘅線索去搵出疫苗所在，就好睇玩家你嘅決策力同埋時間分配有幾好了 (・ω・)

計時嘅求生遊戲份外令人緊張

喺大屋入面，玩家可以喺特定地方執到小刀、獵槍或者手槍等武器與喪屍戰鬥；另外如果你唔想打／唔夠時間打，唔緊要，跑得夠快都可以擺脫喪屍嘅糾纏 orz

不過我都係建議大家打啦，因為打倒喪屍會有 Exp 喔！

Exp 可以對角色能力進行升級，或者換取高效嘅道具或武器。

苦苦糾纏的喪屍

辛勞過後有回報

另外，遊戲名《Dead House 再生》嘅再生，唔係講緊啲喪屍會再生（喂）而係講緊間大屋嘅 Layout，喺玩家每一次重新開 Game 時都會全部改變！即係話成間屋會唔同哂樣！所以玩家唔駛旨意可以「第一次摸熟條路先，第二輪先認真衝關」咁樣玩 (ﾟдﾟ)

但係老老實實我鐘意呢個設定，因為咁樣個 Game 會耐玩好多，而且難度方面會有保證～

記性再好都無用，危機應變最緊要

喺搜尋過程中，唔止會出現攻擊你嘅喪屍，仲會出現唔同嘅謎題；如果做漏任何一樣嘢，就算搵到疫苗，同伴嘅病毒都係會復發架！好 Mean 呀！

謎題紙片

接下來同大家分享吓遊戲截圖以及官方 Trailer：

遊戲已經上市架啦，有興趣嘅朋友快啲上 Nintendo Store 望吓吧 (・∀・)

遊戲名字：デッドハウス 再生

官方售價：1,000円（税入）

上架日期：2017.06.29（Switch 版）

遊戲語言：日語、英語

開發會社：Rainy Night Creations、Ratalaika Games