是咁的，見好多人喺 Facebook 話有樣新野叫咩 Hyper Reality，又話勁過 VR 又話好刺激好好玩，仲要可以一班人一齊組團玩。咁我地 VJGamer 編輯部梗係要搵嚟試下佢有幾多料啦！

睇完個宣傳片都見，佢唔係淨戴住個 VR 眼罩 Hea 玩 Party Game 咁簡單，佢係有埋 Motion Capture 將你成個人嘅所有動作都反映到喺當中。

戴裝備有靚女姐姐幫手

玩之前仲要孭埋個 MSI VR One

神婆表示孭起都唔係好重

手、腳、眼罩都有 Motion Capture 裝置，咁佢出嚟嘅動作又捕捉到幾多？開Game就知到！

屍森大宅呢個 Game 簡單講就一班特種部隊打喪屍，成個 Game 對話內容都係廣東話(外藉人士可選用英文)，所以唔會聽唔明指示。

入到Game，同伴之間睇到嘅造型就係咁

裝備上，無論你長槍定手槍都係一共 30 發，槍口向地就回彈

無血就不能攻擊，睇嘅野都會變黑白，呢個時候就要其他同伴撳住你膊頭「重生」

總結：遊戲預設四位玩家合作，想爆機就必須要戰術，盲頭烏蠅咁玩滅團其實唔難 (場主話爆機率得 15%)！ 而且因為有 Motion Capture 既關係，可以實現到跑黎跑去避攻擊既遊玩模式，呢樣其實就係大家想要既野！

另外 30 分鐘嘅遊玩時間亦都唔只係打喪屍咁簡單，仲有好多挑戰等位玩家，不過為左保存神秘感所以大家去試就知！(Hints: 其實有隱藏攻擊方法的)

雖然啲喪屍造型上就唔係叫好高分，對玩開超靚模組恐怖 Game 既 VJGamer讀者黎講可能恐怖感就唔係好高，不過玩嘅過程係刺激有趣，去到緊張關頭仲有「風壓」吹走你，打開射擊 Game 嘅玩家絕對可以 Carry 到，而且射擊感亦唔錯。

玩完之後你仲可以睇返你地嘅 Playback 睇下邊個做柒事笑返佢。

睇完大家真係想玩就記住「VJGR」呢個優惠 Code，預訂 Book 場就有九折優惠，有效期至2017年8月31號。

預約網址： glostation.com

超真實景密室逃脫遊戲體驗——屍森大宅
地址︰銅鑼灣謝斐道 468 號百達中心 16 樓
人數需求︰3 至 4 人
費用︰每位$160（星期一至四）、每位$180（星期五至日及公眾假期）
體驗時間︰60 分鐘（15分鐘遊戲介紹及進入虛擬世界、30 分鐘遊戲時間及 15 分鐘返回現實世界及重播精彩時刻）
查詢︰3705 9338
www.facebook.com/glostationhongkong/
註︰遊戲中不能配戴眼鏡，建議帶上隱型眼鏡進行遊戲，因為眼鏡容易損壞 VR 配件。