講起 3DS 嘅代表作，可能好多玩家都只會諗起 MH；但係其實《逆轉裁判》系列都係 3DS 嘅經典遊戲之一！

我相信玩家們對《逆轉》一定都唔陌生，以幽默誇張再加少少惡搞手法去進行案件推理，同時又考驗玩家嘅觀察力；雖然一直都係推出日文版（部份有英文版嘅），但係因為玩法相當容易上手，所以唔識日文嘅朋友依然可以玩得好開心。

舊年係系列推出嘅 15 週年

承接上一代嘅《大逆轉裁判》，今次主角繼續係：

・為咗改善日本司法制度而留學英國嘅成步堂龍之介（CV. 下野紘）

・英國著名偵探福爾摩斯（CV. 川田神司）

・有死神之稱嘅倫敦檢事巴洛（バロック）（CV. 津田健次郎）

如果淨係玩過初代《逆》嘅朋友：

成步堂龍之介亦即係逆轉初代成步堂龍一嘅祖先～

即係金田一個爺爺係金田一耕助咁樣，日本人嘅偵探頭腦係會經 DNA 隔代遺傳的（誤）

今次遊戲劇本發生嘅時間，係倫敦舉辦完第一屆世界博覽會之後，大概 1851 年左右！

雖然話當時已經唔係蠻荒嘅年代，不過喺欠缺儀器又無閉路電視嘅情況之下，要查出兇案嘅真相，就真係要考吓大家頭腦了～我自己就好鐘意嗰個時代嘅大英同埋日本，所以《大逆轉》出到第 2 集我都幾開心。

遊戲流程同歷代《逆》無太大分別，依然係：

現場調查→搵證物證人→推理→上庭→說服陪審團以及法庭檢事

現場調查 in 英倫風

收集證物

福神－福爾摩斯都會幫你手

證物可以 360 度進行檢視！考眼力 Play！

話哂係《逆轉》，又點會少得惡搞同埋中二嘅角色＋情節？

喺女性玩家入面人氣極高嘅巴洛檢事，今集繼續行吸血鬼 Chok 爆風～好萌 ❤️

同初代御劍一樣，巴洛會一路 Challenge 你嘅推理

咁有興致飲 Wine？喂大英唔係庭內不准飲食架咩……

同檢事爭辯嘅過程中，呢班三姑六婆陪審團頭上嘅天秤會話比你知，佢地傾向相信邊一面多啲。

審犯 Play 審到佢地抓狂暴走都係遊戲樂趣之一

遊戲中又點少得大家熟悉嘅呢句對白呢！異議あり ヽ(●´∀`●)ﾉ ！！

遊戲《大逆転裁判２ －成歩堂龍ノ介の覺悟－》推出日期為 2017.08.03，對應機種為 3DS！

實體版售價 5,800円＋税；下載版為 5,546円+税。

如果對明治時期日本風設計有愛嘅朋友，可以考慮入手「イーカプコン限定版」！

內容包括：

・遊戲朗讀 Drama CD

・遊戲設定畫集

・帝都勇盟大學牌鉛筆

・成步堂嘜頭成個牛奶仔咁款嘅儲金箱 LOL

呢 Set 嘢連埋 Game 就賣 9,800円+税，仲隨機跟一個杯墊，以 Box Set 黎講唔算貴～

七～八月可能大家都會掛住打 Gundam，但係如果你出街坐車想轉換下心情嘅話，不妨買返隻逆轉玩吓吖！

男玩家放心，其實個 Game 係有女角架！LOL